نائیجیریا: مسلح افراد کا اسکول پر حملہ،140طلباء یرغمال

غیر ملکی خبر رساں ادارے کے مطابق   اسکول کے  آفیشلز نے کہا ہے کہ  مسلح افراد نے شمال مغربی نائیجیریا کے ایک بورڈنگ اسکول سے 140 طلباء کو اغوا کرلیا ۔ یہ واقع اسکول کے بچوں اور طلباء کے بڑے پیمانے پر اغوا کی  تازہ ترین  لہر میں سے ہے۔

ریاست کڈونا میں بیتھل بپٹسٹ ہائی اسکول کے ایک استاد ، ایمانوئل پال نے غیر ملکی خبررساں ادارے کو بتایا کہ  اغوا کاروں نے 140 طلباء کواغوا کرلیا ہے، صرف 25 طلبا فرار ہونے میں کامیاب ہوسکے۔انہوں نے مزید کہا کہ  ہمیں ابھی تک کوئی اندازہ نہیں ہے کہ طلباء کو کہاں لے جایا گیا تھا۔

کڈونا اسٹیٹ پولیس کے ترجمان  نے پیر کی علی الصبح حملے کی تصدیق کی ہے ، لیکن اغوا کی جانے والے  طالباء کی تعداد کے بارے میں تفصیلات نہیں بتاسکے۔