بلوچستان : درہ بولان کے علاقے میں لیویز کی گاڑی کے قریب دھماکا

بلوچستان میں درہ بولان کے علاقے میں لیویز کی گاڑی کے قریب دھماکا ہوا۔

تفصیلات کے مطابق مچھ سٹی ایریا  (درہ بولان) میں لیویز کی گاڑی کے قریب دھماکا ہوا۔

ذرائع کے مطابق لیویز کی گاڑی میں رمضان سے متعلق امدادی پیکیج کا سامان تھا ، واضح رہے کہ لیویز ذرائع کا  کہنا ہے کہ دھماکے میں کوئی جانی نقصان نہیں ہوا۔

واقعے کی اطلاع ملتے ہی قانون نافذ کرنے والے اداروں کی ٹیمیں جائے وقوع پر پہنچیں اور جائزہ لینے کے شواہد اکٹھے کیے۔

قانون نافذ کرنے والے اداروں نے دھماکے کی تحقیقات شروع کردی ہیں۔