لاہور پولیس کی کارروائی،50 سے زائد وارداتیں کرنے والے ڈکیت میاں بیوی گرفتار

لاہور پولیس آپریشنز ونگ نےکارروائی کرتے ہوئے 50 سے زائد وارداتیں کرنے والے ڈکیت میاں بیوی کو گرفتار کرلیا،دونوں میاں بیوی علی الصبح دفاتر جانے والوں کی ریکی کرکے ان کے ساتھ واردات کرتے تھے۔
ترجمان لاہورپولیس کے مطابق لاہور میں 50 سے زائد وارداتیں کرنے والے میاں بیوی ڈکیت پکڑے گئے، گرفتار ملزمان افتخار اور آمنہ صبح دفاتر جانے والوں کی ریکی کرکے ان کے ساتھ واردات کرتے تھے۔
ترجمان پولیس کی جانب سے مزید بتایا گیا کہ ڈکیٹ میاں بیوی کو آپریشن ونگ نے گرفتار کیا۔
پولیس ترجمان کے مطابق ملزمہ آمنہ اورملزم افتخار نے ٹاؤن شپ، گرین ٹاؤن سمیت مختلف علاقوں میں ڈکیتیاں کیں، گرفتار ملزمان کا تعلق شیخوپورہ سے ہے جبکہ درجنوں وارداتیں کرنے والا میاں بیوی ڈکیت گینگ 6 سال بعد دوبارہ گرفتار ہوا۔
پولیس حکام کا کہنا ہے کہ ملزمان کے خلاف متعدد مقدمات درج ہیں اور مزید تفتیش جاری ہے۔
اپنے بیان میں ترجمان پولیس نے مزید بتایا کہ پولیس شہر میں امن و امان قائم رکھنے کے لیے ایسے عناصرکے خلاف کارروائی کر کے ان کا قلع قمع کرنے کے لیے مختلف جگہوں پر چھاپے مار ہی ہیں تا کہ ان کے گرد گھیر ا تنگ کیا جائے۔