پاکستان کے خلاف ون ڈے سیریز کے لیے نیوزی لینڈ نے اسکواڈ کا اعلان کردیا

پاکستان کے خلاف ون ڈے سیریز کے لیے نیوزی لینڈ کے اسکواڈ کا اعلان کردیا گیا۔

نیوزی لینڈ کرکٹ بورڈ کے مطابق ٹام لیتھم ٹیم کی قیادت کریں گے جبکہ پاکستانی نژاد محمد عباس بھی پاکستان کے خلاف ون ڈے اسکواڈ کا حصہ ہوں گے۔

بورڈ کا بتانا ہے کہ آئی سی سی چیمپئنز ٹرافی کا فائنل کھیلنے والے اسکواڈ کے 8 کھلاڑی پاکستان کے خلاف ون ڈے اسکواڈ میں شامل ہیں۔

نیوزی لیند کے اسکواڈ میں آدی اشوک، مائیکل بریسویل،  مارک چیپمین،  جیکب ڈفی اور مچل ہے اسکواڈ  میں شامل ہیں جبکہ نک کیلی، ول او رورکے بین سئیرز، نیتھن سمتھ اور ول ینگ بھی اسکواڈ کا حصہ ہوں گے۔

محمد عباس پاکستان میں پیدا ہوئے اور پھر فیملی کے ہمراہ  نیوزی لینڈ منتقل ہوگئے، محمد عباس پاکستان میں فرسٹ کلاس کرکٹ کھیلنے والے اظہر عباس کے بیٹے ہیں۔

نیوزی لینڈ کرکٹ بورڈ کے مطابق اظہرعباس نے آکلینڈ اور ویلنگٹن کی بھی نمائندگی کی اور فائر بورڈز کے اسسٹنٹ کوچ ہیں۔

پاکستان اور نیوزی لینڈ کے درمیان 3 میچز پر مشتمل ون ڈے سیریز کا آغاز  29 مارچ سے ہوگا، سیریز کے دیگر میچز  2 اور 5 اپریل کو کھیلے جائیں گے۔

بورڈ کے مطابق میچل سینٹنر، راچن رویندرا، ڈیون کونوئے اور گلین فلپس آئی پی ایل کی وجہ سے اسکواڈ کا حصہ نہیں ہوں گے۔