راجن پور :کچے کے ڈاکوؤں کی گرفتاری کیلئےپولیس کا آپریشن،2مشتبہ افراد گرفتار

راجن پور:پنجاب کے سرحدی ضلع راجن پور میں کچے کے علاقے میں پولیس نے سرچ آپریشن کے دوران 2 مشتبہ افراد کو حراست میں لے لیا، ڈاکوؤں کی کمین گاہیں بھی نذر آتش کردی گئیں۔
ترجمان پنجاب پولیس کے مطابق ضلع راجن پور کے کچے کے علاقے چک عمرانی میں عمرانی گینگ اور لُنڈ گینگ کے ڈاکوؤں کی گرفتاری کیلئے آپریشن کیا گیا، اس دوران 2 مشتبہ افراد کر حراست میں لیا گیا ہے۔
ترجمان کی جانب سے مزید بتایا گیا کہ پولیس کی پیش قدمی پر ڈاکو دریا کے راستے فرار ہوگئے جن کا تعاقب کیا جارہا ہے، جبکہ ڈاکوؤں کی کمین گاہوں کو بھی نذر آتش کردیا گیا ہے۔
ترجمان کے مطابق پولیس نے علاقہ کو گھیرے میں لے لیاجبکہ  ڈاکوؤں کی تلاش جاری ہے۔
 دوسری جانب ڈی پی او راجن پور کاکہناہے کہ کچہ میں قیام امن تک راجن پولیس کا ہر کریمینل کے خلاف آپریشن جاری رہے گا۔