ٹنڈو الہ یار: تیز رفتار کار نہر میں جا گری ،کراچی سے آنے والے 4 دوست جاں بحق

سندھ کے ضلع ٹنڈوالہ یار میں نصیر کینال میں کار گرنے سے اس میں سوار چار دوست جاں بحق ہوگئے۔
ٹنڈوآدم سے آنے والی کار موڑ کاٹتے ہوئے نصیر کینال میں جاگری، حادثے کے نتیجے میں کار میں سوار چار افراد ڈوب کر جاں بحق ہوگئے۔
ریسکیو ذرائع کے مطابق علاقہ مکینوں نے ڈوبنے والے افراد کو اپنی مدد آپ کے تحت نہر سے نکالا، حادثے میں جاں بحق افراد کی نعشوں کو ہسپتال پہنچا دیا گیا۔
 جاں بحق افراد کا تعلق پنجاب کے علاقے سیالکوٹ سے بتایا جاتا ہے، جن کی شناخت علی شان، عبدالاحد، عدیل اور سمیر کے ناموں سے کی گئی۔ متوفی عبدالاحد دوستوں کے ساتھ اپنے رشتہ داروں سے ملنے میرپور خاص جا رہا تھا۔