عید والے دن گھرمیں ماتم ،3 بچے کھیلتے ہوئے پانی کے گڑھے میں ڈوب گئے

سندھ کے ضلع میرپورخاص میں 3 بچےکھیلتے ہوئے پانی کے گڑھے میں ڈوب گئے جن میں ایک کو بچالیاگیاجبکہ دو کی لاشیں نکال لی گئیں۔
تفصیلات کے مطابق یہ افسوسناک حادثہ میرپور خاص کے تعلقہ کوٹ غلام محمد میں پیش آیا جہاں گھر کے باہر کھیلتے ہوئےبچے پانی کے گڑھے میں ڈوب گئے، ڈوبنے والے 3 بچوں میں سے 2 بچے فرحان اور شاہ جہاں موقع پر جاں بحق ہوگئے، جبکہ ایک بچے کوعلاقہ مکینوں نے بچالیا۔
علاقہ مکینوں نے بتایا کہ تینوں بچے پانی میں کھیل رہے تھے کہ اچانک گڑھے میں گرگئے۔
 تینوں بچوں کو اسپتال منتقل کیا گیا جہاں ضروری کارروائی کے بعد لاشیں ورثا کے حوالے کردی گئی ہیں۔
عید کے تیسرے روز 8 سالہ فرحان اور 6 سالہ شاہ جہاں کی لاشیں گھر پہنچنے پر کہرام مچ گیا، اور کم سن بچوں کے جاں بحق ہونے پر پورے علاقے کی فضا سوگوار ہے۔