حکومت نے عید سے پہلے سرکاری ملازمین کو خوشخبری سنا دی

تفصیلات کے مطابق سرکاری ملازمین کے لیے اچھی خبر،  وزیر اعظم  عمران خان نے تنخواہ عید سے پہلے جاری کرنے کی ہدایت کردی  ہے۔وزارت خزانہ تنخواہیں جاری کرنے کے لیے متحرک ہوگیا۔

ذرائع کے مطابق  سرکاری ملازمین کو تنخواہیں 16 جولائی تک جاری ہوں گی،اس حوالے سے اے جی پی آر کو خصوصی ہدایات جاری کردی گئیں  ہیں ۔

مزید پڑھیں : وزیر اعظم کا پروٹوکول کے حوالے سے بڑا فیصلہ

ذرائع وزارت خزانہ کا کہنا ہے کہ   عید الاضحی کے پہلے تنخواہ جاری کی جائے گی، اس سلسلے میں نوٹی فیکشن جلد جاری ہوگا۔

چند دن قبل  محکمہ موسمیات کی جانب سے جاری بیان میں کہا گیا تھا  کہ ذی الحج 1442ھ کے نئے چاند کی پیدائش پاکستانی وقت کے مطابق 6 بج کر 18 منٹ پر 10 تاریخ کو ہوگی۔اس لئے 29 ذیقعد بروز ہفتہ مورخہ 10 جولائی کو چاند نظر آنے کا امکان نہیں ہے، یکم ذی الحج 12 جولائی 2021ء کو ہوسکتی ہے۔

ذی الحج کا چاند دیکھنے کے لیے مرکزی رویت ہلال کمیٹی کا اجلاس 10 جولائی کو ہوگا۔ محکمہ موسمیات کا کہنا  تھا کہ اس روز ملک بھر میں اکثر مقامات مطلع صاف یا جزوی ابر آلود رہنے کی توقع ہے۔