پی ایس ایس میں نیا سنگ میل عبور، انڈیکس ملکی تاریخ کی بلند ترین سطح پر پہنچ

پاکستان سٹاک مارکیٹ میں نیا سنگ میل عبور، 100 انڈیکس ملکی تاریخ کی بلند ترین سطح پر پہنچ گیا۔

کاروباری ہفتے کے آخری روز کاروبار کے آغاز پر ہی سٹاک ایکسچینج میں زبردست تیزی دیکھنے میں آئی، 1800 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 20 ہزار 793 پوائنٹس کی حد کو چھو گیا۔

واضح رہے کہ گزشتہ کاروباری روز کے اختتام پر پاکستان سٹاک ایکسچینج میں ہنڈرڈ انڈیکس 1131 پوائنٹس اضافے کیساتھ ایک لاکھ 18 ہزار 938 پوائنٹس کی بلند ترین سطح پر بند ہوا تھا۔

گزشتہ روز وزیر اعظم شہباز شریف نے ملک بھر میں بجلی کے نرخوں میں 7 روپے 41 پیسے فی یونٹ کمی کا اعلان کرتے ہوئے ’بڑے‘ ریلیف پیکج میں شہریوں کو بجلی کے بے تحاشا بلوں کا سامنا کرنے والے بوجھ کو کم کرنے کا اعلان کیا تھا۔

تجزیہ کاروں کا کہنا ہے کہ وزیراعظم کی جانب سے بجلی کے نرخوں میں کمی مارکیٹ کی کارکردگی کی ایک بڑی وجہ ہے۔