جیل میں بہترسہولیات کی فراہمی ،بشری بی بی نے عدالت میں درخواست دائر کردی

راولپنڈی :بانی پی ٹی آئی کی اہلیہ بشریٰ بی بی نے اڈیالہ جیل میں بہتر سہولیات کے لیے اسلام آباد ہائیکورٹ سے رجوع کر لیا۔
تفصیلات کےمطابق اہلیہ بشریٰ بی بی نے اسلام آباد ہائیکورٹ میں دائر درخواست میں وفاق کو بذریعہ سیکرٹری داخلہ، سپرنٹنڈنٹ اڈیالہ جیل اور چیف کمشنر اسلام آباد کو فریق بنایا ہے۔
درخواست میں کہا گیا ہے کہ بطور خاتون اول وزیر اعظم ہاؤس میں مقیم رہی، اپنے بہتر معیار زندگی کی وجہ سے قانون کے مطابق بہتر سہولیات کی حقدار ہوں۔
دائر درخواست میں مزید کہا گیا ہے کہ بہتر سہولیات کے لیے جیل حکام کو متعدد بار درخواست دی، مگر ایک نہ سنی گئی جبکہ ان کے شوہر بانی پی ٹی آئی کو اسی جیل میں بہتر سہولیات کا حقدار قرار دیا گیا ہے۔
درخواست میںبشری بی بی نے استدعا کی گئی کہ فریقین کو اپنی قانونی ذمہ داریاں پوری کرنے کی ہدایت کی جائے، جیل رولز 1978 کے تحت بہتر سہولیات کی فراہمی کا حکم دیا جائے۔