مولانا فضل الرحمان کا وزیراعظم سے رابطہ، حجاج کے مسائل کے حل کیلیے اقدامات کی درخواست

جے یو آئی ف کے سربراہ مولانا فضل الرحمان نے وزیر اعظم میاں شہباز شریف سے رابطہ کیا اور پرائیویٹ حجاج کرام کے مسائل سے آگاہ کیا۔

مولانا فضل الرحمان نے وزیر اعظم کو درخواست کی کہ پرائیویٹ سیکٹر کے حجاج کرام کی حج ادائیگی کو یقینی بنایا جائے۔

اس دوران حج گروپ آرگنائزر کے نمائندہ وفد نے مولانا فضل الرحمان سے ملاقات کی اور اپنے مسائل سے آگاہ کیا۔

وفد میں مولانا بشیر احمد، ناصر احمد خان، ثناء اللہ شینواری، ضیاء الرحمان مغل، رانا شاہد، جمال خان، انس بشیر، اخلاق احمد خان، ناصر محمود اعوان اور فیصل صبوری شامل تھے۔

وزیر اعظم شہباز شریف نے مولانا فضل الرحمان کو ہر قسم کے تعاون کی یقین دہانی کراتے ہوئے فوری طور پر وزارت خارجہ کو ہدایت دی کہ وہ حجاج کرام کے مسائل کے حل کے لیے فوری اقدامات اٹھائیں۔