عالمی وباسے نمٹنے کی مؤثر حکمت عملی ، وزیراعظم کی این سی اوسی سمیت دیگر اداروں کومبارکباد

تفصیلات کے مطابق سماجی رابطے کی ویب سائٹ ٹوئٹر  پر پیغام میں وزیراعظم  عمران خان  نے کہا کہ عالمی وباءسے نمٹنے کی مؤثر  حکمت عملی پر میں این سی او سی اراکین، احساس ٹیم اور سٹیٹ بنک آف پاکستان کو مبارکباد پیش کرتا ہوں اور سب سے بڑھ کر قادر مطلق اللہ کی رحمت و احسان کا شکرگزارہوں۔

کوروناء (COVID-19) جیسی عالمی وباء سے نمٹنے کی مؤثر حکمت عملی پر میں این سی او سی اراکین، احساس ٹیم اور سٹیٹ بنک آف پاکستان کو مبارکباد پیش کرتا ہوں اور سب سے بڑھ کر قادرِ مطلق اللہ کی رحمت و احسان کا شکرگزار ہوں۔pic.twitter.com/C8vQP4D9ku

— Imran Khan (@ImranKhanPTI) July 7, 2021

وزیر اعظم نے اکانومسٹ میگزین کا نارملسی انڈیکس بھی شیئر کیا جس نے  کوورونا وبا  کو  بہترین انداز میں سنبھالنے  پر پاکستان کو بہترین کارکردگی کا مظاہرہ کرنے والے ممالک  میں شامل کیا ہے ۔

اکانومسٹ میگزین  کی  فہرست میں پاکستان پچاس ممالک میں 84.4کے اسکور کے ساتھ  تیسرے نمبر پر ہے۔جبکہ ہمسایہ ملک ہندوستان کا اسکور 46.5 ہے ، جو کہ 48 ویں  نمبر پرتنزلی کی درجہ بندی ہے ۔

واضح رہے کہ ملک میں کورونا کے پھیلاؤ میں کمی کا رجحا ن برقرار ہے ، نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق پاکستان میں گزشتہ 3 ماہ کے دوران کورونا کے باعث آج سب سےکم اموات ریکارڈ ہوئیں ، ملک میں کورونا وائرس کی تیسری لہر کے دوران  مزید 17 افراد انتقال کر گئے جبکہ 1517کیسز رپورٹ ہوئے ہیں۔ملک میں  اموات کی مجموعی تعداد22 ہزار469ہوگئی ہے،جبکہ  متاثرہ افراد کی مجموعی تعداد 9لاکھ66ہزار7ہوگئی ہے۔