اجتماعی کوششوں کے نتیجے میں اللہ نے معیشت کو استحکام بخشا ہے، شہباز شریف

اسلام آباد:وزیراعظم شہباز شریف نے کہا ہے کہ اجتماعی کوششوں کے نتیجے مں اللہ تعالیٰ نے معیشت کو استحاکم بخشا ہے، انشااللہ ہم ترقی اور خوشحالی کے سفر پر چل نکلے ہیں۔
وفاقی دارالحکومت اسلام آباد میں جناح اسکوائر مری روڈ انڈر پاس کے سنگ بنیاد کی تقریب سے خطاب کرتے ہوئے وزیر اعظم شہباز شریف نےکہا کہ اسلام آباد میں توسیع و تزئین کے وسیع و عریض منصوبے جاری ہیں۔ جن کی بدولت اسلام آباد میں ٹریفک کے بہاؤ میں بہتری آچکی ہے۔
 وزیراعظم نے کہا کہ وزیر داخلہ محسن نقوی نے اعلان کیا ہے کہ یہ منصوبہ 60 دن کے بجائے 35 دن میں مکمل کرنے کا اعلان کیا ہے، مجھے ان کی بات پر پورا یقین ہے کہ ماضی میں اس قسم کے اعلانات کو انہوں نے عملی جامہ پہنایا ہے، یہ شہباز اسپیڈ ہے اور نہ محسن نقوی اسپیڈ ہے بلکہ یہ پاکستان اسپیڈ ہے، بہترین اقدامات کے لیے محسن نقوی مبارکباد کے مستحق ہیں۔
انہوں نے کہا کہ اسلام آباد میں پھول دارالحکومت کے حسن کو دوبالا کر رہے ہیں۔ اور اسلام آباد کے حسن کے لیے جو کاوشیں کر رہے ہیں وہ قابل ستائش ہیں۔ اسلام آباد خوبصورتی کا گہوارہ بنے گا۔
شہباز شریف نے کہا کہ اجتماعی کاوشوں سے پاکستان کا نام بلند ہو گا۔ اور پچھلے ایک سال میں پاکستان کی معاشی ریٹنگ بہتر ہوئی ہے جبکہ عالمی ریٹنگ ایجنسی فچ نے بھی پاکستان کی معیشت کو مستحکم قرار دیا ہے۔
 تقریب سے خطاب کرتے ہوئےوزیر اعظم شہباز شریف نےمزید کہا ہے کہ پاکستان کی معیشت مستحکم ہو چکی ہے۔ اور ملک ترقی و خوشحالی کے سفر پر گامزن ہے۔
تقریب سے گفتگو کرتے ہوئے وزیر اعظم نے کہا کہ بلوچستان کے عوام کو تحفہ دیا ہے۔ بلوچستان کا روڈ 2 ہزار کے قریب جانیں نگل چکا ہے۔ لیکن اب ہم بلوچستان کے خونی ٹریک کو ہائی وے بنانے جا رہے ہیں۔
انہوں نے کہا کہ این ایف سی میں بلوچستان کا کوٹہ ڈبل کر دیا گیا ہے۔ اور بلوچستان کے عوام کو ایسا منصوبہ دینا چاہیے تھا جو تمام اقوام کی دل کی آواز ہو۔