بانی پی ٹی آئی کی بہنوں سمیت 7 رہنماؤں کو رہا کردیا گیا

بانی پی ٹی آئی  سے ملاقات کیلئےپہنچنے والی تینوں بہنوں عظمی، علیمہ اور نورین خان سمیت 7 حراست میں لیے گئے رہنماؤں کو پولیس نے چکری انٹرچینج پر رہا کردیا۔
بانی پی ٹی آئی سے ملاقاتوں کا دن ہے تاہم آنے والے رہنماؤں کو روک دیا گیا ہے۔ قائد حزب اختلاف عمر ایوب گورکھ پور ناکہ پہنچے جہاں پولیس نے انہیں روکا گیا۔
اڈیالہ جیل ملاقات کیلئےآنے پر پولیس نے بانی پی ٹی آئی کی بہنوں، عمر ایوب، زرتاج گل، حامد رضا، نیاز اللہ نیازی اور دیگر کو ملنے سے روکا جس پر علیمہ خان اور بہنوں نے احتجاج کیا اور جانے سے انکار کیا تو پولیس نے انہیں اور اظہار یکجہتی کیلئے آنے والے 4 رہنماؤں کو بھی گرفتار کیا۔
پولیس نے تینوں بہنوں سمیت 7 رہنماؤں کو قیدی وین میں ڈالا اور پھر نامعلوم مقام کی طرف گاڑی کو روانہ کیا، علیمہ خان نے حراست میں لیتے وقت کہا تھا کہ یہ ہمیں کہیں بیابان میں چھوڑ دیں گے مگر ہم پھر اُس وقت تک واپس آئیں گے جب تک یہ جیل میں نہیں ڈالتے اور ملاقات کیے بغیر واپس نہیں جائیں گے۔