سوات میں 5.1 اور ژوب میں 4.9 شدت کا زلزلہ ، لوگوں میں خوف ہراس

ژوب:صوبہ بلوچستان کے ضلع ژوب، خیبر پختونخوا کے شہر سوات اور اس کے گرد نواح میں  زلزلے کے جھٹکے محسوس کیے گئے جس کے باعث لوگوں میں خوف و ہراس پھیل گیا۔
زلزلے کے باعث لوگ خوفزدہ ہوکر گھروں سے باہر نکل آئے اور کلمہ طیبہ کا ورد کرتے رہے۔
زلزلہ پیما مرکز کے مطابق زلزلے کی شدت 4 اعشاریہ 9 اور گہرائی 30 کلو میٹر ریکارڈ کی گئی،زلزلے کا مرکز ژوب سے 70 کلو میٹر جنوب مشرق میں تھا۔

اسی طرح سوات میں زلزلے کی زیر زمین گہرائی 130 کلومیٹر جبکہ اس کی شدت 5.1  تھی، جس کا مرکز کوہ ہندوکش ریجن، افغانستان میں واقع تھا۔
ریسکیوحکام کے مطابق ابھی زلزلے سے ابھی تک کسی بھی جانی ومالی نقصان کی اطلاعات موصول نہیں ہوئیں۔
واضح رہے کہ 19 اپریل کو وفاقی دارالحکومت اسلام آباد اور پنجاب اور خیبر پختونخوا کے مختلف شہروں میں زلزلے کے جھٹکے محسوس کیے گئے تھے۔