کاروباری ہفتے کے پہلے روزا سٹاک مارکیٹ میں تیزی ، ڈالر کی قیمت گر گئی 

کراچی: کاروباری ہفتے کےپہلے روز پاکستان اسٹاک مارکیٹ میں تیزی دیکھی گئی،جس کے بعد ڈالر کی قیمت بھی گر گئی۔
تفصیلات کے مطابق پاکستان اسٹاک ایکسچینج میںایک دفعہ پھر تیزی کا رجحان دیکھا گیاجس کے بعد انڈیکس نے ایک بار پھر ایک لاکھ ، 16 ہزار کی حد کو چھو لیا ، تبادلہ مارکیٹ میں ڈالر سستا ہونے سے روپے کی قدر میں بھی معمولی بہتری آئی ہے۔
 کاروبار شروع ہونے کے تھوڑی دیر بعد 100 انڈیکس میں ایک ہزار سے زیادہ پوائنٹس کا اضافہ ہوا جس کے بعد انڈیکس ایک لاکھ 16 ہزار 529 پوائنٹس پر ٹریڈ کرتے دیکھا گیا۔
دوسری جانب انٹر بینک میں ڈالر کی قیمت میں بھی کمی دیکھی گئی ، ایکسچینج کمپنیز ایسوسی ایشن کے مطابق 10 پیسے کی کمی سے انٹر بینک میں ڈالر کی قیمت 280 روپے 87 پیسے ہو گئی ہے۔
خیال رہے امریکی کرنسی کی قیمت میں کئی ہفتوں سے اتار چڑھائو کا سلسلہ جاری ہے ، کاروبار کے آغاز پر ڈالر کی قیمت میں کمی اور اختتام پر اضافہ دیکھنے میں آتا ہے۔