تھیٹر ز کی اصلاح اچھا قدم ہے لیکن تذلیل کے نام پر تضحیک نہ کی جائے، ڈرامہ رائٹر سید راحیل شاہ

لاہور:(شوبز رپورٹر )پاکستان کے سینئر ڈرامہ رائٹر ڈائریکٹر سید راحیل شاہ وارثی ( نگار ایوارڈ یافتہ ) نے کہا ہےکہ تھیٹر ز کی اصلاح پنجاب حکومت کا اچھا قدم ہے لیکن تذلیل کے نام پر تضحیک نہ کی جائے۔
 لاہورمیں میڈیا سےگفتگو کرتے ہوئے سید راحیل شاہ وارثی کا کہنا تھا کہ میں پچاس سال سے فن و ادب کی خدمت کر رہا ہوں رب ذوالجلال کے فضل و کرم سے’ بارہ مصالحے‘،’ اکیلے نہ جانا‘،’ منجی کتھے ڈاواں‘،’ لارا لپہ‘، ’جمعہ جنج نال‘ واحد کھیل ہے جو چالیس شو الحمرا ہال لاہور میں چلا۔
ان کا کہنا تھا کہ آج کل پنجاب حکومت کا اچھا قدم تو ہے لیکن تذلیل کے نام پر تضحیک نہ کی جائے،میں اصلاح کی جارہی ہے پنجاب حکومت کا اچھا قدم تو ہے لیکن تذلیل کے نام پر تضحیک نہ کی جائے، ہم انٹرنیشنل لوگ ہیں ملک سے باہر جا کر دیکھیں ہماری کتنی عزت ہے۔
 ان کا کہنا تھا کہ وزیر اطلاعات پنجاب عظمیٰ بخاری صاحبہ نے چند میٹنگز بھی بلائیں جس میں ماسوائے شورو غل کے کچھ نہیں ، چند ایک فنکاروں کے علاوہ  باقی سب نے آئین بائیں شائیں ہی کی، گزارش ہےآپ ایک میٹنگ بلوائیں جس میں صرف اسٹیج کے رائٹر ڈائریکٹر ہوں ایک آرٹس کونسل کا ایسا نمائندہ بیٹھا ہو جو آنیوالے پروڈیوسر رائٹر اور ڈائریکٹر کا آپ سے تعارف کروائے اور کوئی اصلاح کی بات بھی ہو۔
 انہوںنے مزید کہا کہ پنجاب حکومت کے احکامات پر عمل کیا جارہا ہے جو بھی ایس او پیز بنائے گئے ہیں اسکے مطابق ڈرامہ پیش کیا جا رہا ہے۔