فلم انڈسٹری کے نامور مصنف محمد کمال پاشا طویل علالت کے انتقال کرگئے

لاہور: پاکستان فلم انڈستری کے نامور مصنف محمد کمال پاشا طویل علالت کے بعد لاہور میں انتقال کرگئے۔
 اہل خانہ کے مطابق وہ ایک عرصہ سے مختلف امراض میں مبتلا تھے،محمد کمال پاشا سروسز سمیت مختلف اسپتالوں میں زیر علاج رہے،اس دوران پنجاب حکومت کی جانب سے بھی کمال پاشا کے علاج معالجے میں معاونت کی گئی۔

 کمال پاشا معروف فلم رائٹر اور ہدایتکار انور کمال پاشا کے صاحبزادے تھے،والد کی دی گئی تربیت کو آگے بڑھاتے ہوئے انہوں نے تین سو کے قریب فلموں کے اسکرپٹ لکھے۔
 محمد کمال پاشا کی نمایاں فلموں میں’’ رقاصہ‘،’ نکی جئی ہاں‘،’ ہمایوں گجر‘ سمیت دیگر شامل ہیں،کمال پاشا کو فلم انڈسٹری میں ایک مختلف مقام حاصل تھا۔
 شوبز شخصیات نے کمال پاشا کے انتقال پر گہرے دکھ و رنج کا اظہار کیا ہے۔