اسٹیٹ بینک نے نئی مانیٹری پالیسی کا اعلان کر دیا،شرح سود میں مزید کمی

کراچی: اسٹیٹ بینک آف پاکستان نے نئی مانٹیری پالیسی کا اعلان کرتے ہوئے شرح سود میں مزید کمی کر دی۔
اسٹیٹ بینک کی نئی مانٹیری پالیسی کے مطابق شرح سود میں مزید ایک فیصد کمی کی گئی ہے جس کے بعد شرح سود 11 فیصد ہو گیا ہے۔

تفصیلات کے مطابق اسٹیٹ بینک نے شرح سود میں 100 بیسز پوائنٹس یا ایک فیصد کمی کرنے کا اعلان کریا جس کے بعدایک فیصد کمی کے بعد شرح سود 12 فیصد سے کم ہوکر 11 فیصد پر آگئی ہے۔

خیال رہے کہ پچھلے 11 ماہ کے دوران اسٹیٹ بینک کی جانب سے شرح سود میں 11 فیصد کمی کی گئی ہے۔

واضح رہے کہ اسٹیٹ بینک نے گزشتہ ماہ شرح سود 12 فیصد پر برقرار رکھنے کا فیصلہ کیاتھا۔

اس سے قبل 27 جنوری 2025 کو اسٹیٹ بینک نے اگلے 2 ماہ کے لیے شرح سود ایک فیصد کم کرنے کا اعلان کیا تھا، جس کے بعد شرح سود 12 فیصد کی سطح پر آگئی تھی۔

دوسری جانب وزیراعظم محمد شہباز شریف کا اسٹیٹ بینک آف پاکستان کی جانب سے پالیسی ریٹ میں ایک فیصد کمی پر اطمینان کا اظہار کرتے ہوئے کہا کہ پالیسی ریٹ میں کمی سے کاروبار, صنعتوں، زراعت ، سرمایہ کاری اور برآمدات کے لئے خوش آئند ہے۔

اپنے بیان میں وزیر اعظم نے مزید کہا کہ  پالیسی ریٹ میں کمی سے تاجروں اور سرمایہ کاروں کو ریلیف فراہم ہوگا، ان کا کہنا تھا کہ اپریل 2025 کے مہینے میں مہنگائی کی شرح 0.30 تک آنا انتہائی خوش آئند ہے : وزیراعظم
 
شہباز شریف نے کہا کہ معاشی اشاریے مثبت سمت میں گامزن ہیں، معیشت مستحکم بنیادوں پر آگے بڑھ رہی ہے،انہوں نے وزیر خزانہ کی تعریف کرتے ہوئے کہا کہ معیشت کی بحالی کیلئے وفاقی  وزیرخزانہ اور ان کی ٹیم کی کوششیں لائق تحسین ہیں۔