خانیوال:خسرہ کے مریضوں کی تعداد میںمسلسل اضافہ،ا سپیشل سیکرٹری صحت نے نوٹس لے لیا

خانیوال: جنوبی پنجاب کے ضلع خانیوال میں خسرہ کے مریضوں کی تعداد میں مسلسل اضافہ ہورہا ہے،تحصیل کبیر والا میں 2 بچوں کی موت ہو گئی۔
دوسری جانب خسرہ کےمریضوں کی تعداد میں اضافہ کی خبروں پرا سپیشل سیکرٹری محکمہ صحت و آبادی جنوبی پنجاب محمد شہباز حسین نے نوٹس لیتے ہوئے ڈائریکٹر جنرل ہیلتھ سروسز سے رپورٹ طلب کرلی ہے۔
انہوں نے ڈی جی ہیلتھ جنوبی پنجاب کو ہدایات جاری کرتے ہوئے کہا ہے کہ فوری طور پر خسرہ سے متاثرہ علاقوں میں سکریننگ کا آغاز کرکے خسرہ سے بچاؤ کی ویکسینیشن کا عمل تیزی سے شروع کیا جائے اور جنوبی پنجاب کے تمام ہسپتالوں میں خسرہ سے متاثرہ بچوں کی خصوصی دیکھ بھال کی جائے۔
محمد شہباز حسین کی ہدایت پر ڈی جی ہیلتھ نے متاثرہ علاقوں کا دورہ کیا اور کہا کہ متاثرہ علاقوں میں خسرہ سے بچاؤ کی ویکسینیشن مہم تیز کی جائے۔
ڈی جی ہیلتھ جنوبی پنجاب کا کہنا تھا کہ جنوبی پنجاب کے ہسپتالوں میں خسرہ متاثرہ بچوں کی خصوصی نگہداشت یقینی بنائی جائے۔
انہوں نے مزید کہا کہ ڈی جی ہیلتھ جنوبی پنجاب فوری طور پر خسرہ سے متاثرہ علاقوں کا دورہ کریں اور خسرہ کے پھیلاؤ، متاثرین اورڈسٹرکٹ ہیلتھ اتھارٹیز کی جانب سے کیے گئے بچاؤ اقدامات بارے تفصیلی رپورٹ پیش کریں۔
واضح رہے کہ خسرہ سے ایک ہی خاندان کے 2 بچے جاں بحق ہوئے، 3 کی حالت تشویشناک بتائی جارہی ہے۔