ڈونلڈ ٹرمپ نے بھارت کی جانب سے پاکستان پر حملےکو شرمناک قرار دے دیا

امریکی صدر ڈونلڈ ٹرمپ نے بھارت کی جانب سے پاکستان پر حملے پر ردعمل دیتے ہوئےاسے  شرمناک قرار دے دیا۔

جب پاکستان اور بھارت کے درمیان حملوں سے متعلق سوال کیا گیا تو انہوں نے کہا کہ یہ واقعی افسوسناک ہے۔ ہم نے ابھی ابھی اس بارے میں سنا ہے، جب ہم اوول آفس کے دروازے سے اندر آ رہے تھے۔ میرا خیال ہے کچھ لوگوں کو اندازہ تھا کہ کچھ ہونے والا ہے۔

انہوں نے مزید کہا کہ یہ دونوں ممالک بہت عرصے سے لڑ رہے ہیں، کئی دہائیوں سے، بلکہ اگر آپ غور کریں تو صدیوں سے یہ جھگڑا جاری ہے۔“

واضح رہے کہ بھارت نے پاکستان پر حملہ کرتے ہوئے 5 مقامات پر میزائل فائر کردیے جس میں سویلین آبادی اور مساجدکو نشانہ بنایا گیا، بھارتی حملے میں 2 شہری شہید ہوگئے۔

پاکستان کی جانب سے بھارت کے بزدلانہ حملے کا بھرپور جواب دیا جارہا ہے اور ابتدائی اطلاعات کے مطابق پاک فضائیہ نے دشمن کے 2 جہاز مار گرائے ہیں۔