ہم 10 طیارے گرا لیتے مگر ہم نے تحمل سے کام لیا، ہمارے دشمن کو کل رات نیند نہیں آئی ہو گی،شہباز شریف


اسلام آباد: وزیر اعظم شہباز شریف نے کہا کہ گزشتہ رات بزدل بھارت نے رات کی تاریکی میں 80 طیاروں کی مدد سے حملہ کیا، جس کو پاک فضائیہ نے بہادری سے نکام بنایا۔
بھارت کے بزدلانہ حملے کے بعدقومی اسمبلی کا اجلاس اسپیکر ایاز صادق کی زیر قیاد ت میں ہوا جس میں بھارت کے بزدلانہ حملے کی شدید الفاظ میں مذمت کی گئی۔
قومی اسمبلی کا اجلاس اسپیکر ایاز صادق کی زیر صدارت شروع ہوا۔ اس موقع پر وزیراعظم نے اظہار خیال کرتے ہوئے کہا کہ میں پاکستانی عوام اور ایوان میں موجود تمام سیاسی جماعتوں کے اکابرین ، ممبران کو دل کی گہرائیوں سے مبارک باد پیش کرنا چاہتا ہوں۔
وزیراعظم شہباز شریف نے کہا کہ حملے میں بچوں سمیت کئی پاکستانی شہید ہوئے، اللہ شہدا کےدرجات میں بلندی عطا فرمائے، 22 اپریل کو پہلگام میں افسوسناک واقعہ ہوا، بھارت نے10منٹ میں ایف آئی آر درج کی۔
وزیر اعظم نے کہا کہ افواج پاکستان 24 گھنٹے تیار تھی کہ کب بھارتی جہازوں کو سمندر میں پھینکے۔ بھارت کو رافیل طیاروں پر بڑا ناز ہے۔ جبکہ چند دن پہلے رافیل اڑے تو جہازوں کو لاک کر دیا گیا۔ وہ جہاز واپس پلٹے اور سری نگر میں لینڈ کیا۔
انہوں نے کہا کہ بھارت کے 80 جہاز حملے میں ملوث تھے۔ ہم 10 طیارے گرا لیتے مگر ہم نے تحمل سے کام لیا۔ ہمارے دشمن کو کل رات نیند نہیں آئی ہو گی۔
وزیراعظم نے کہا کہ میں نے پہلے بھی واضح کردیا تھا کہ پاکستان کا اس واقعے سے دور دور تک کوئی تعلق نہیں ہے اور اگر کسی کو کوئی شک ہے تو میں نے غیر جانبدارانہ تحقیقات کی پیشکش بھی کی تھی اور کہا تھا کہ پاکستان اس کمیشن کے ساتھ مکمل طور پر تعاون بھی کرے گا لیکن کل تک بھارت نے ہماری اس آفر کو قبول نہیں کیا بلکہ ایک ایسا دوست ملک جس نے اس پیشکش کی تائید کی، بھارت نے ان کے سفیر کو بلاکر ڈی مارش کیا۔
اجلاس سے خطاب کرتے ہوئے شہبازشریف نے کہا کہ ہم ہر لمحہ بھارتی عزائم سے اچھی طرح واقف تھے، کل بھارت نے مکمل تیاری سے 80 جہازوں کے ساتھ حملہ کیا، بھارت کی جانب سے پاکستان میں آزاد کشمیر، بہاولپور، شیخوپورہ، سیالکوٹ سمیت 6 شہروں پر حملہ کیا گیا۔
شہباز شریف نے کہا کہ ہمارے جہازوں نے سرحد عبور نہیں کی، ہمارے عقابوں نے بھارتی جہازوں کو مار گرایا، بھارتی جہازوں میں رافیل جہاز بھی شامل تھے۔ کل رات بھارت کے ہوش ٹھکانے آ گئے ہیں۔
خیال رہے کہ بھارت کے بزدلانہ حملے کے دفاع میں پاک فضائیہ نے دشمن کے 6 جنگی طیارے تباہ کر دیئے جن میں رافیل ایس یو 30 اور مگ 29 شامل ہیںْ

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 14 دن قبل

پاکستان میں فی تولہ سونا ہزاروں روپے سستا ہوگیا
- ایک دن قبل

نیشنل گرڈ پاکستان کا بجلی کے ترسیلی نظام کو مضبوط بنانے کیلئے 100 ارب روپے کے صکوک پروگرام کا منصوبہ
- 2 دن قبل

فیلڈ مارشل سید عاصم منیر کا خیبر پختونخوا میں امن و استحکام برقرار رکھنے کے عزم کا اعادہ
- 2 دن قبل

دورہ میران شاہ: آرمی چیف کا دہشتگردی کی لعنت کو فیصلہ کن طور پر ختم کرنے کے عزم کا اظہار
- 2 دن قبل

الزامات کی بجائے خطے کے مسائل کوحل کرنے کی ضرورت ہے، مصدق ملک کی نئی دہلی میں میڈیا سے گفتگو
- ایک دن قبل

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 14 دن قبل

پیٹرول اور ڈیزل کی نئی قیمتوں کا اعلان
- 2 دن قبل

شعیب ایوب بٹالوی کی موٹیویشنل تقریر نے حاضرین کے دل جیت لیے
- 2 دن قبل

متروکہ وقف املاک بورڈ کے 359ویں اجلاس کا دوسرا روز، 13 اہم ایجنڈا آئٹمز زیر بحث
- 2 دن قبل

پی سی بی سینٹرل کنٹریکٹس کا اعلان کر دیا گیا، رضوان، امام، صائم اور شان مسعود جگہ بنا نے میں ناکام
- ایک دن قبل

پاکستان اور انڈونیشیا کی مشترکہ فوجی مشق ایلانگ اسٹرائیک تھری پبی میں اختتام پذیر
- ایک دن قبل



