کورونا وائرس : گوادر میں اسمارٹ لاک ڈاؤن نافذ

تفصیلات  کے مطابق ڈپٹی کمشنر گوادر  کی جانب سے  نوٹیفکیشن جاری کردیا گیا ہے  ، جس کے مطابق ضلع بھر میں آج سے غیر معینہ مدت کے لیے اسمارٹ لاک ڈاؤن  نافذ رہے گا۔ ضلعی انتظامیہ کی جانب سے جاری اعلامیے میں کہا گیا ہے کہ گوادرمیں دکانیں شام 7بجے بند ہوں گی،جبکہ  عوامی اجتماعات پر مکمل پابندی اورماسک پہننا لازمی قراردیا گیا ہے ۔ گوادرمیں کھیل اورتفریحی مقامات مکمل بند رہیں گے جبکہ  ہوٹلزاورریسٹورنٹس میں کھانے پر پابندی عائد کردی گئی۔

دوسری جانب سربراہ این سی اوسی اور وفاقی وزیر اسد عمر نے خبردار کیا ہے کہ اب اس بات کے واضح آثار ہیں کہ کورونا کی چوتھی لہر شروع ہوچکی ہے،ایس اوپیزپرعملدرآمد نہ ہونااور خاص طور پربھارتی ویرینٹ کے پھیلاؤ کی بڑی وجوہات ہیں ۔

مزید پڑھیں :ملک میں کورونا کی چوتھی لہر کاآغاز ، اسد عمر نے خبردار کردیا

واضح رہے کہ ملک میں ایک بار پھر سے  کورونا  کیسز میں اضافہ دیکھنے میں آیا ہے ، نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے مزید27فراد چل بسے ۔  ملک میں اموات کی مجموعی تعداد22 ہزار520ہوگئی ہے،جبکہ متاثرہ افراد کی مجموعی تعداد 9لاکھ69ہزار476ہوگئی ہے ۔ ملک میں کورونا کے مثبت کیسز کی شرح 3.65 ہوگئی ۔ ملک میں ایکٹو کیسز کی تعداد 35 ہزار573 ہے اور 9 لاکھ 11 ہزار383 افراد کورونا سے صحت یاب ہوچکے ہیں۔