ورلڈ ٹیسٹ چیمپئن شپ کی انعامی رقم کا اعلان کر دیا گیا

آئی سی سی نےورلڈ ٹیسٹ چیمپئن شپ کے فائنل  کیلئےریکارڈ پرائز منی کا اعلان کردیا۔

ورلڈ ٹیسٹ چیمپئن شپ کا فائنل 11 جون سے لارڈز میں آسٹریلیا اور جنوبی افریقہ کی ٹیموں کے درمیان کھیلا جائے گا۔ آئی سی سی نے ورلڈ ٹیسٹ چیمپئن شپ کے فائنل کے لیے 5.76 ملین ڈالرز کی انعامی رقم رکھی ہے جو گزشتہ 2 ایڈیشن کے مقابلے میں دگنی انعامی رقم  ہے۔ آئی سی سی کے مطابق  فاتح ٹیم کو 3.6 ملین ڈالرز ملیں گے جو گزشتہ ایڈیشنز میں 1.6 ملین ڈالرز  تھے، اسی طرح  رنرز اپ ٹیم کو 2.16 ملین ڈالرز ملیں گے جو اس سے قبل 8 لاکھ ڈالرز  تھے۔

آئی سی سی ٹیسٹ چیمپئن شپ کے پوائنٹس ٹیبل پر  پاکستان ٹیم  9 ویں نمبر پر رہی ہے جس کے تحت  قومی ٹیم کو 4 لاکھ 80 ہزار ڈالر ملیں گے۔ تیسری پوزیشن والی ٹیم بھارت کو 14 لاکھ 40 ہزارڈالرز  اور چوتھی پوزیشن کی ٹیم نیوزی لینڈکو 12 لاکھ ڈالرز ملیں گے۔5ویں نمبر پر انگلینڈ کو 9 لاکھ 60 ہزار ڈالرز،  چھٹے نمبر پر سری لنکا کو 8 لاکھ 40 ہزار ڈالرز، 7 ویں  نمبر پر بنگلا دیش کو 7 لاکھ 20 ہزار اور 8 ویں نمبر پر ویسٹ انڈیز کو 6 لاکھ ڈالرز ملیں گے جب کہ پاکستان ٹیم کا آخری نمبر رہا تھا۔

کرکٹ کونسل نے 30 دن کاؤ نٹ ڈاؤن کے سلسلے میں آئی سی سی فائنل کی پروموشنل ویڈیو بھی جاری کردی ہے۔