سعودی عرب میں ذالحج کا چاند نظر نہیں آیا

غیر ملکی خبر رساں ادارے کے مطابق  سعودی عرب میں ذالحج کا چاند نظر نہیں آیا    ہے،یکم ذالحج 11 جولائی کو ہوگی ۔

سعودی رویت ہلال کمیٹی کا کہنا ہے کہ    حج کا رکن اعظم وقف عرفہ 19 جولائی کو ہوگا جبکہ سعودی عرب میں عید الضحیٰ 20 جولائی کو ہوگی۔

یاد رہے کہ  11 جون کو سعودی عرب نے پاکستان سمیت غیر ملکی عازمین حج پر پابندی لگا دی تھی۔ حج اس سال صرف سعودی شہریوں اور رہائشیوں تک محدود ہے۔ کورونا کےباعث اس سال عازمین حج کی تعداد 60،000 مقررکی گئی ہے۔

سعودی عرب کی جانب سے  جاری اعلامیہ میں کہا گیا تھا کہ حج کےخواہش مند افراد کا صحت  مندہونا لازمی ہے، بیماری سے پاک(18 سے 65 سال تک کےویکسین لگوانےوالے اہل ہوں گے، حج کافریضہ سعودی عرب میں  موجود شہریوں اور باشندوں کے لئےہے۔