آرمی چیف سے چینی سفیر کی ملاقات ، آئی ایس پی آر

پاک فوج کے شعبہ تعلقات عامہ (آئی ایس پی آر ) کے مطابق  چینی سفیر نونگ رونگ نے  جی ایچ کیو راولپنڈی کا دورہ  کیاہے،آرمی چیف جنرل قمر جاوید باجوہ سے  چینی سفیر  نے ملاقات بھی کی ہے ، اس ملاقات میں باہمی دلچسپی علاقائی سکیورٹی اور مختلف شعبوں میں جاری تعاون پر تبادلہ خیال کیا گیا۔

آئی ایس پی آر کے مطابق  ملاقات میں چین  پاکستان راہداری کے امور بھی زیر غور آئے ، آرمی چیف نےکورونا وبا کے دوران پاکستان کی سپورٹ پر چین سے اظہار تشکر کیا۔

آئی ایس پی آر کا کہنا ہے کہ  چینی سفیر نے خطے میں امن واستحکام کے لیے پاکستان کے مثبت کردار کو سراہا  ہے، چینی سفیر نے باہمی سفارتی تعاون مزید بہتر بنانے کے عزم کا اعادہ بھی کیا۔