بلاول تین بار امریکہ جائیں ، وزیراعظم پانچ سال پورے کرینگے : شیخ رشید

تفصیلات کے مطابق وفاقی وزیرداخلہ شیخ رشید احمد نے  راولپنڈی میں میڈیا سے بات چیت کرتے ہوئے کہاکہ ہم افغانستان میں  امن کے خواہش مند ہیں، اپنی سر زمین کو کسی کیخلاف استعمال نہیں ہونے دیں گے۔جو افغانستان کے لوگ فیصلہ کریں گے وہ ہمیں قبول ہوگا، آرمی چیف خود امن کیلئے اقدامات کر رہے ہیں ۔ انہوں نے کہا کہ ویکسی نیشن والے لوگوں کیلئے طورخم بارڈر کھلا ہے۔

شیخ رشید کا کہنا تھا کہ پی ڈی ایم ختم ہو چکی ہے، آزاد کشمیر الیکشن کے بعد اپوزیشن حکومت کے تعلقات ٹھیک ہوں گے، آزاد کشمیر میں حکومت ان شاء اللّٰہ عمران خان ہی بنائیں گے ، عمران خان کے ساتھ خود بھی کشمیر مہم  پر جاؤں گا۔ وفاقی وزیر نے کہاکہ  نالہ لئی  منصوبہ تین سال میں مکمل ہو رہا ہے، غریب لوگوں کی تقدیر بدلی جا رہی ہے۔

شیخ رشید کا مزید کہنا تھا کہ پانچ اگست کا قانون واپس لینے تک بھارت سے کوئی بات نہیں ہوگی، آزاد کشمیر کا کیس عمران خان نے اقوام متحدہ سمیت دنیا میں اٹھایا ہے۔

مزید پڑھیں : ایران : تہران میں زور دار دھماکہ