سی ایس ایس ٹاپرمصور علی مٹھانی کا پسندیدہ گروپ نہ ملنے پر صدر مملکت کو خط

کراچی :سنٹرل سپیریئر سروسز (سی ایس ایس) کے امتحان 2023 میں ملک بھر سے ٹاپ کرنے والے امیدوار مصور رلی مٹھانی نے پسندیدہ گروپ میں ایلوکیشن نہ ملنے پر صدر مملکت آصف علی زرداری کوانصاف کے حصول کے لیے خط لکھ دیا ہے۔
 صدر آصف علی زرداری کو لکھے گئے خط میں، مٹھانی نے کہا کہ اعلیٰ ترین عہدہ حاصل کرنے کے باوجود انہیں ان کی پہلی پسند گروپ کی بجائے پاکستان آڈٹ اینڈ اکاؤنٹس سروس میں تفویض کیا گیا۔ انہوں نے کہا کہ شہید ذوالفقار علی بھٹو اور شہید بے نظیر بھٹو کے وطن ضلع لاڑکانہ اور سندھ کی نمائندگی کرتے ہوئے امتحان میں ٹاپ کرنا ان کے لیے بڑے فخر کی بات ہے۔
اپنے خط میں نواجوان امیدوارمٹھانی نے منصفانہ سلوک کی اپیل کی ہے، حکام پر زور دیا ہے کہ وہ اس کی اصلاح کریں جسے وہ غیر منصفانہ مختص سمجھتے ہیں۔
خیال رہے کہ سی ایس ایس کے اصول و ضوابط کے مطابق، زیادہ اسکور کرنے والوں کو اس گروپ کا انتخاب کرنے کی اجازت ہے جس میں وہ شامل ہونا چاہتے ہیں، باقی کامیاب امیدواروں کو فیڈرل پبلک سروس کمیشن کی طرف سے گروپس جیسے خارجہ امور، انتظامی خدمات، پولیس، کسٹمز، اکاؤنٹس اور آڈٹ، ریلوے وغیرہ تفویض کیے جاتے ہیں۔
سی ایس ایس 2023 کے اعداد و شمار کے مطابق امتحان میںشرکت کے لیے 28,024 درخواستیں موصول ہوئیں، جن میں سے صرف 13,008 امیدواروں نے تحریری امتحان دیا۔
جبکہ ان میں سے، محض 401 پاس ہوئے، اور فائنل انٹرویو کے بعد بالآخر، 210 کو عہدوں کے لیے تجویز کیا گیا، جس کے نتیجے میں تحریری مرحلے میں آنے والوں کی کامیابی کی شرح 2.96 فیصد رہی۔
مزید برآں، اسی سال سی ایس ایس کا خصوصی امتحان منعقد ہوا۔ اس امتحان میں 21,947 درخواستیں موصول ہوئیں جن میں 15,245 امیدواروں نے تحریری حصہ لیا۔ اس مرحلے کے بعد، 519 امیدوار پاس ہوئے، اور تمام جائزوں کے بعد، 141 کو کامیاب قرار دیا گیا، جس کی کامیابی کی مجموعی شرح 3.20٪ ہے۔