‎ذی الحجہ کا چاند دیکھنے کیلئے مرکزی رویت ہلال کمیٹی کا اجلاس آج ہوگا

تفصیلات کے مطابق رویت ہلال  مرکزی کمیٹی کا اجلاس آج محکمہ موسمیات، یونیورسٹی روڈ   کراچی میں ہوگا ۔  چیئر مین رویت ہلال کمیٹی مولانا عبدالخبیر آزاد اجلاس کی صدارت کرینگے ۔ مولانا عبدالخبیرآزاد تین روزہ دورے پر کراچی آئے ہیں  جہاں وہ مختلف مسالک کے علماء اور مذہبی شخصیات سے ملاقات کرینگے۔   اجلاس میں محکمہ موسمیات،سپارکو،نیوی،وزارت مذہبی امورکے نمائندے شریک ہوں گے جبکہ زونل کمیٹیوں کے اجلاس متعلقہ ہیڈکوارٹرز میں منعقد ہوں گے۔

یاد رہے محکمہ موسمیات نے عید الاضحی ٰ 21 جولائی کو ہونے کی  پیش گوئی کرتے ہوئے کہا ہے کہ ذی الحج 1442 کے چاند کی پیدائش 10 جولائی کو پاکستانی وقت کے مطابق 6 بج کر 18 منٹ پر ہوگی۔