فیلڈ مارشل جنرل عاصم منیر کی جانب سے  پاکستان کی سیاسی و عسکری قیادت کے اعزاز میں اعشائیہ

فیلڈ مارشل جنرل عاصم منیر کی جانب سے  پاکستان کی سیاسی قیادت کے اعزاز میں اعشائیہ دیا گیا ۔ 

اعشائیے میں صدر مملکت اور وزیر اعظم سمیت  پاکستان کی مختلف سیاسی شخصیات نے شرکت کی ۔ 

پاک فوج کے شعبہ تعلقات عامہ (آئی ایس پی آر) آرمی چیف فیلڈ مارشل عاصم منیر کی جانب سے دیے گئے عشایہ میں سیاسی قیادت کے علاوہ چیئرمین جوائنٹ چیفس آف اسٹاف کمیٹی جنرل ساحر شمشاد مرزا، سروسز چیفس اوردیگر عسکری حکام نے بھی شرکت کی۔

آئی ایس پی آر کے مطابق عشائیے میں شریک شرکا نے مسلح افواج کی قربانیوں اور جرات کو سراہا جب کہ فیلڈ مارشل نے بنیان مرصوص میں مسلح افواج کی کوآرڈینشن کو بھی سراہا۔

ترجمان پاک فوج کے مطابق فیلڈ مارشل نے معرکہ حق میں سیاسی قیادت کی دور اندیشی کو سراہا، جبکہ بھارتی پروپیگنڈا مہم کے خلاف پاکستانی نوجوانوں اور میڈیا کے پُرعزم کردار کو بھی خراجِ تحسین پیش کیا اور انہیں ’آہنی دیوار‘ قرار دیا۔

اس موقع پر فیلڈ مارشل عاصم منیر نے پاکستانی سائنسدانوں، انجینئرز اور سفارتکاروں کی بے مثال پیشہ ورانہ صلاحیتوں اور عزم کو بھی سراہا جو اس تنازع کے دوران نہایت اہم ثابت ہوئے۔