کورونا وائرس کی چوتھی لہر سے بچاؤ کے لیے سٹی ٹریفک پولیس لاہور کی آگاہی مہم

تفصیلات کے مطابق سی ٹی او لاہور کا کہنا ہے کہ شہریوں کے چالان کی بجائے ماسک تقسیم کیے جائیں اور آگاہی مہم شروع کی جائے تاکہ اس مہلک وائرس سے بچا جا سکے ۔

کورونا وائرس کی دوسری اور تیسری لہر کے دوران شہر میں 4 لاکھ سے زائد چالان کیے گے تھے۔

سی ٹی او لاہور نے شہریوں سے اپیل کرتے ہوئے کہا ہے کہ ابھی کورونا ختم نہیں ہوا ،ہمیں احتیاط کرنی چاہیے تاکہ وائرس سے محفوظ رہ سکیں ، سٹی ٹریفک پولیس شہریوں کے تحفظ کے لیے اپنا کردار ادا کرتی رہے گی۔

منتظر مہدی کا مزید کہنا تھا کہ ابھی یہ آگاہی مہم ہے جس کے بعد دوران ڈرائیونگ ماسک نہ پہنے شہریوں کے چالان کیے جائیں گے ۔