فلم ہدایتکار ملک یعقوب نور نے نیا گیت "باپ دا سایہ" ریلیز کر دیا

ویب ڈیسک (شوبز رپورٹر سے) پاکستان فلم انڈسٹری کے معروف ہدایتکار و اداکار ملک یعقوب نور نے باپ کی عظمت کو بیان کرتا نیا گیت "باپ دا سایہ" ریلیز کر دیا۔
 گانے کی شاعری الطاف باجوہ نے لکھی ہے، جبکہ پپو سمراٹ نے جذبات سے بھرپور اس گیت میں اپنی آواز کا جادو جگایا ہے۔ 
ویڈیو میں ماڈل زارا ملک، فاطمہ اور فانی جان نے اداکاری کے جوہر دکھائے ہیں، گانے کے پروڈیوسر ملک محمد کان ہیں جبکہ موسیقی جی اے مشتاق نے ترتیب دی ہے۔
جی این این نیوز سے خصوصی گفتگو کرتے ہوئے ملک یعقوب نور کا کہنا تھا کہ یہ گیت ان تمام افراد کے لئے بنایا ہے جو اپنے باپ سے بے تحاشا پیار کرتے ہیں،ان کا کہنا تھا کہ ہمیشہ کوشش کی ہے کہ معیاری اور منفرد کام کو ترجیح دوں۔ 
ملک یعقوب نور کا کہنا تھا کہ میرے کریڈٹ پر بہت سے ہٹ پراجیکٹس ہیں جو میری پہچان بنے۔ آج جب پاکستان فلم انڈسٹری اپنی بقاء کی جنگ لڑ رہی ہے تو اس دور میں بھی دعوے کرنے کی بجائے عملی اقدام اٹھا کر پنجابی فلم انڈسٹری میں اپنا حصہ ڈال رہا ہوں۔
اپنی خصوصی گفتگو میں ان کامزید کہنا تھا کہ روااں برس میری دو میگا بجٹ فلمیں سلور اسکرین کی زینت بنیں گی جو فلم بینوں کے لئے سرپرائز ثابت ہونگی۔