لاہور : ڈیفنس میں گھر سے ماڈل کی لاش برآمد

تفصیلات کے مطابق  ڈیفنس  میں گھر سے ماڈل کی  لاش برآمد ہوئی ہے، پولیس کا کہنا ہے کہ  29 سالہ ماڈل خاتون کو  گلا دبا کر قتل کیا گیا ہے۔ انتیس سالہ ماڈل کی شناخت نایاب کے نام سے ہوئی ہے، مقتولہ نایاب کے دو سوتیلے بھائی ہیں،مقتولہ غیر شادی شدہ تھی۔

پولیس کے مطابق نامعلوم ملزمان نے تشدد کر کے گلا دبا کر موت کے گھاٹ اتارا  اور ملزم موقع سے فرار ہوگیا۔ پولیس نے مقتولہ ماڈل کے سوتیلے بھائی کی مدعیت میں قتل کا مقدمہ درج کر لیا ہے۔

پولیس کا کہنا ہے کہ  محمد علی کے مطابق وہ بہن کے گھر گیا تو بہن کی لاش زمین پر پڑی ہوئی تھی، میری بہن کے گلے پر زخم کے نشان تھے ۔ نایاب گھر میں اکیلی رہتی تھی جبکہ اس کے باتھ روم کی جالی ٹوٹی ہوئی تھی۔

پولیس کے مطابق مقتولہ ماڈلنگ کرتی رہی ہے، پوسٹمارٹم کے بعد اصل حقائق سامنے آئیں گے ۔