انگلینڈ سے شکست پر شعیب اختر کھلاڑیوں اور مینجمنٹ پر برس پڑے

تفصیلات کے مطابق نجی ٹی وی چینل کے ایک پروگرام میں گفتگو کرتے ہوئے سابق فاسٹ بولر شعیب اختر کا کہنا تھا قومی ٹیم کی سلیکشن ہی درست نہیں،ٹی ٹوئنٹی فارمیٹ کے کھلاڑیوں کو ون ڈے فارمیٹ میں کھلایا جارہاہے ، جبکہ ون ڈےفارمیٹ کے  کھلاڑیوں کو ٹی ٹوئنٹی  فارمیٹ میں کھلایا جا رہا ہے ۔

سابق سپیڈ سٹار کا کہنا تھا کہ قومی ٹیم میں کوئی ایسا کھلاڑی نہیں جس کو کھیلتے ہوئے دیکھا جائے ،سب کھلاڑی کھیلنا بھول چکے ہیں ۔

شعیب اختر کا مزید کہنا تھا کہ کرکٹ صرف چھکے اور چوکوں کا کھیل نہیں بلکہ سنگل اور ڈبل بھی اس کھیل کا حصہ ہے چھکے اور چوکوں سے میچ نہیں جیتا جا سکتا، وکٹ پر کھڑے ہونے سے میچ کا نتیجہ بدلتا ہے ۔

یاد رہے کہ انگلینڈ نے تین ون ڈے میچز کی سیریز میں پاکستان کو دو صفر کی شکست سے دوچار کیا ہے ۔