پاکستانی فلم " ویلکم ٹو پنجاب" کی ٹریلر لانچنگ تقریب ، شوبز انڈسٹری سے وابستہ متعدد اداکار شریک

نئی پاکستانی فلم " ویلکم ٹو پنجاب" کی ٹریلر لانچنگ تقریب مقامی سینما میں سجائی گئی ۔ جس میں شوبز انڈسٹری کے چمکتے دمکتے ستاروں نے بڑی تعداد میں شرکت کی ۔

جن میں ہدایتکار سید نور،مسعود بٹ ،اعجاز کامران ،شہزاد رفیق ، ندیم مانڈوی والا،راشد خواجہ،کاشف نثار،نور الحسن،التمش بٹ،طارق بٹ،چوہدری کرامت ،شیخ عابد رشید ،فیاض خان،عادل عسکری،ممتاز شبیر،سہیل ملک،چوہدری اسلم ، خرم بٹ،شاہزیب مرزا،حاجی شفیق،آصف اکبر، اچھی خان،جرار رضوی،ڈاکٹر خاقان غازی ،میاں عدنان ارشد ،رابعہ طارق اور دیگر شامل تھے۔

فلم کے ہدایتکار شہزاد رفیق نے گفتگو کرتے ہوئے کہا کہ فلم میں بین الاقوامی ہم آہنگی پیدا کی ہے۔ یہ ایک صوبہ کی فلم نہیں بلکہ پاکستان کی فلم ہے۔فلم میں دو نئے چہروں عادی خان اور زارا حیات کو متعارف کروایا ہے۔ فلم کے ذریعے ممتاز بیگم کا کم بیک ہورہا ہے۔

فلم میں خوبصورت لوکیشنز ،جاندار ڈائیلاگز اور پنجاب کی ثقافت کے رنگ نمایاں ہیں۔۔فلمساز صفدر ملک نے گفتگو کرتے ہوئے کہا کہ فلم 14 اگست کے  پر مسرت موقع پر سینما گھروں کی زینت بنے گی۔

ہدایتکار سید نور نے فلم کے ٹریلر کی تعریف کی اور دعا کی کہ شہزاد رفیق اور صفدر ملک کی اس فلم کو کامیابی ملے۔فلم کی اسٹار کاسٹ میں اداکار عدنان صدیقی، ساجد حسن، جاوید شیخ، افتخار ٹھاکر، قیصر پیا، اداکارہ بشری انصاری اور ممتاز سمیت دیگر شامل ہیں۔