قومی کرکٹر حسن نواز شادی کے بندھن میں بندھ گئے،تصاویر وائرل

لیہ:قومی ٹیم کے جارح مزاج بلے باد حسن نواز شادی کے بندھن میں بندھ گئے،جس کے بعد انہوںنے اپنی شادی کی تصاویر بھی شئیرکر دیں۔

نیوزی لینڈ کیخلاف ٹی20 سیریز میں تیز ترین سنچری بنانے والے 22 سالہ نوجوان اوپنر حسن نواز رشتہ ازدواج میں منسلک ہوگئے۔ 
جارح مزاج بلے باز نے اپنی شادی کی تصاویر سوشل میڈیا پر شیئر کیں اور لکھا کہ الحمد اللہ، نئے سفر کا آغاز۔

قومی کرکٹر کی شادی کی تقریب پنجاب کے ضلع لیہ میں ہوئی، جس میں ان کے قریبی دوستوں اور رشتہ داروں نے شرکت کی۔

حسن نواز کو شادی کی تصاویر میں کڑھائی والے آف وائٹ کوٹ اور دھانی رنگ کے کرتا شلوار میں ملبوس دیکھا جاسکتا ہے جبکہ ان کی دلہن بھی دھانی رنگ کا لباس زیب تن کیے ہوئے ہیں۔

 کرکٹر کے مداحوں نے ان کی شادی پر انہیں مبارکباد اور ڈھیروں دعائیں دی ہیں۔