راولپنڈی میں زہریلا دودھ پینے سے 3 کمسن بچے جاں بحق،والدہ کی حالت تشویشناک 

راولپنڈی میں زہریلا دودھ پینے سے 3 کمسن بچے جاں بحق ہوگئے، جبکہ ان کی والدہ کی حالت تشویشناک میں اسپتال میں زیر علاج ہیں۔

تفصیلات کے مطابق افسوسناک واقعہ راولپنڈی کے علاقے بنی میں پیش آیا جہاں زہریلا دودھ پینے سے تین کمسن بچے جاں بحق ہو گئے، جبکہ ان کی والدہ کی حالت تشویشناک ہوگئی۔

پولیس حکام کے مطابق متاثرہ بچوں کی عمریں 8 ماہ سے 4 سال کے درمیان تھیں، تینوں بچوں کی لاشیں فوری طور پر ہولی فیملی اسپتال منتقل کر دی گئی ہیں، جبکہ بچوں کی والدہ اسپتال میں زیر علاج ہیں۔

پولیس کے مطابق جاں بحق بچوں کی شناخت ڈیڑھ سالہ نوہیل ولد صائم مسیح،4سالہ منسہ دختر سلیم مسیح، اور 8 ماہ کی مارثہ دختر سلیم مسیح کے طور پر ہوئی ہے، اہلِ علاقہ کے مطابق متاثرہ خاندان بھٹہ نیک عالم میں مقیم تھا۔

پولیس کا کہنا ہے کہ ابتدائی تحقیقات کے مطابق دودھ میں زہریلا کیڑا گرنے کے باعث بچوں کی موت واقع ہوئی۔