کابینہ کی ٹی ایل پی پر پابندی برقرار رکھنے کے فیصلے کی منظوری

تفصیلات کے مطابق  وزیراعظم عمران خان کی زیرصدارت وفاقی کابینہ کا اجلاس  ہوا، ذرائع کے مطابق   کابینہ نے مسلح افواج کیلئےخصوصی الاؤنس 2021 کی منظوری دے دی ہے،وفاقی کابینہ نےحلیم عادل شیخ کیلئےجے آئی ٹی کی بھی منظوری دے دی گئی۔

مزید پڑھیں: افغان طالبان کی افغانستان نہ چھوڑنے پر ترک فوج کو دھمکی

ذرائع کے مطابق وفاقی کابینہ میں ٹی ایل پی پر پابندی سے متعلق جائزہ کمیٹی کی رپورٹ پیش کی گئی ،  ٹی ایل پی پر پابندی سے متعلق جائزہ کمیٹی کی رپورٹ کی منظوری دینے کے بعد وفاقی کابینہ نے  ٹی ایل پی پر پابندی برقرار رکھنے کا فیصلہ کیا۔وفاقی کابینہ کا کہنا تھا کہ ٹی ایل پی قانون کی خلاف ورزی کی مرتکب ہوئی ہے۔

واضح رہے کہ  15 اپریل  2021 وزارت داخلہ نے تحریک لبیک پاکستان ( ٹی ایل پی) کو کالعدم قرار دیا تھا۔جس کے بعد  وزارت داخلہ نے تحریک لبیک پاکستان پر پابندی کا نوٹیفکیشن جاری کردیا تھا۔ انسداد دہشت گردی ایکٹ 1997کے تحت تحریک لبیک پاکستان کو کالعدم قرار دیا گیا تھا۔