افغان طالبان کی افغانستان نہ چھوڑنے پر ترک فوج کو دھمکی

افغان طالبان کے ترجمان  ذبیح اللہ مجاہد  نے غیر ملکی میڈیا کو گفتگو کرتے ہوئے کہا ہے کہ   غیر ملکی افواج کے مکمل انخلا کے بعد جو ملک بھی یہاں رکے گا اس کو قابض سمجھا جائے گا۔

مزید پڑھیں : وزیر اعظم نے مونس الہی کو وفاقی وزیر بنانے کی منظوری دیدی

طالبان ترجمان کا کہنا تھا کہ  ترکی افغانستان میں 20 سال سے موجود ہے  لیکن  اگر وہ اب بھی یہاں رکنا چاہتا  ہے تو میں ان کو  واضح کر دینا چاہتا ہوں کہ  ترک افواج کو قابض فوج تصور کیا جائے گا اور ان کے خلاف بھی  کارروائی کی جائے گی۔

ذبیح اللہ مجاہد نے مزید کہا کہ  ترکی اور افغانستان کے درمیان بہت کچھ مشترکہ ہے، ترکی اسلامی ملک ہے اور ہم ان کے ساتھ اچھے تعلقات چاہتے ہیں  لیکن اگر انہوں نے افغانستان میں مداخلت کی اور اپنے فوجی نہ نکالے تو اس کی ذمہ داری ترکی پر ہوگی ۔