برطانوی ہائی کمشنرکاحالیہ سیلا ب میں ہونے والی ہلاکتوں پر اظہار افسوس

اسلام آباد: برطانوی ہائی کمشنر جین میریٹ نےملک میں حالیہ سیلاب سےہونے والی اموات پر افسوس کا اظہار کرتے ہوئے کہا ہے کہ دل شکستہ ہوں، اپنے پیاروں کو المناک آفات میں کھونا تباہ کن ہے۔

سماجی رابطے کی ویب سائٹ ایکس پر جاری پیغام میں برطانوی ہائی کمشنرجین میریٹ نے کہا کہ سیلاب سے جانی نقصان سے دل شکستہ ہوں، اپنے پیاروں کو المناک آفات میں کھونا تباہ کن ہے۔

 اپنے بیان میں جین میریٹ نے مزید کہا کہ سوگوار خاندانوں سے اظہار یکجہتی کرتی ہوں، یہ بات واضح ہے کہ پاکستان موسمیاتی تبدیلیوں سے متاثرہ ممالک میں صف اول پر ہے۔