بلوچستان میں طوفانی بارشیں، آسمانی بجلی اور دیوارگرنے سے بچی سمیت 3 جاں بحق،کراچی میں موسم خواشگوار
لاہور میں صبح سویرے موسم گرم اور مرطوب ہے، گزشتہ روز ہونے والی بارش کے باوجود حبس اور گھٹن برقرار ہے۔


کوئٹہ :صوبہ بلوچستان کے مختلف اضلاع واشک ،لورالائی اور موسیٰ خیل میں موسلادھار بارشوں کے دوران آسمانی بجلی اور دیوارگرنے سے ایک بچی اور 2 نوجوان جاں بحق ہوگئے۔
صوبائی ڈیزاسٹر مینجمنٹ اتھارٹی (پی ڈی ایم اے ) کے مطابق بلوچستان کے مختلف اضلاع میں حالیہ بارشوں، طوفانی ہواؤں اور آسمانی بجلی گرنے کے باعث کئی علاقوں میں نقصانات کی اطلاعات موصول ہوئیں۔
پی ڈی ایم اے حکام نے بتایا کہ آبی ریلوں سے متعدد مکانات کو نقصان پہنچا ،جب کہ ضلع واشک میں فلیش فلڈ کے باعث رہائشی مکانات، چار دیواروں اور زرعی زمینوں کو جزوی نقصان پہنچا ، نقصانات کا حتمی تخمینہ لگانے کے لیے سروے کا عمل جاری ہے۔
حکام کا بتانا ہےکہ ضلع لورالائی اور ضلع سوراب میں موسلا دھار بارش کے ساتھ شدید طوفانی ہواؤں کے سبب متعدد گھروں اور سولر پینلز کو نقصان پہنچا۔
پی ڈی ایم اے نے آج رات اور کل ڈیرہ بگٹی، نصیر آباد اور صحبت پور میں طوفانی بارش کا امکان ہے۔
دوسری جانب پی ڈی ایم اے بلوچستان کے مطابق حالیہ مون سون سیزن کے دوران صوبے میں مجموعی طور پر 7 افراد جاں بحق ہوئے۔
اس کے علاوہ مون سون سیزن کے دوران شہر قائد کے مختلف علاقوں میں بوندا باندی کا سلسلہ جاری ہے، بوندا باندی کے بعد موسم خوشگوار ہوگیا۔
کراچی میں شاہراہ فیصل، صدر، آئی آئی چندریگر روڈ، مزار قائد، لیاری، کلفٹن اور اطراف میں پھوار پڑ رہی ہے، دیگر علاقوں میں بھی موسم ابر آلود ہے، ہوائیں بھی چل رہی ہیں۔
محکمہ موسمیات کے مطابق مون سون سیزن کا دوسرا اسپیل کل سے بارشیں برسائے گا، آج شہر قائد میں 11 کلو میٹرفی گھنٹے کی رفتار سے ہوائیں چل رہی ہیں۔
لاہور میں حبس اور گھٹن برقرار، بارش کا امکان
اسی طرح صوبائی دارالحکومت لاہور میں صبح سویرے موسم گرم اور مرطوب ہے، گزشتہ روز ہونے والی بارش کے باوجود حبس اور گھٹن برقرار ہے۔
محکمہ موسمیات کے مطابق لاہور کا کم سے کم درجہ حرارت 26 ڈگری سینٹی گریڈ ریکارڈ کیا گیا ہے، جو دن کے دوران 31 ڈگری سینٹی گریڈ تک جا سکتا ہے، ہوا میں نمی کا تناسب 80 فیصد جب کہ ہوا کی رفتار 8 کلومیٹر فی گھنٹہ ریکارڈ کی گئی ہے۔ جبکہ لاہور میں بارش کی پیشگوئی بھی کی گئی ہے۔

اسسٹنٹ کمشنر پتوکی فلڈ ریلیف آپریشن کے دوران دل کا دورہ پڑنے سے انتقال کرگئے
- 3 hours ago

مغربی افریقہ کے ساحل پر تارکینِ وطن کی کشتی الٹنےسے 70 کے قریب افراد ہلاک
- 5 hours ago

وزیر آباد: بروقت طبی امداد نہ ملنے پر سیلاب میں پھنسی خاتون کے 3 نومولود جاں بحق
- 37 minutes ago

لاہور: دو روزہ کلر اینڈ کیم نمائش کامیابی سے اختتام پذیر،ملکی و غیرملکی کمپنیوں کی شرکت
- 32 minutes ago

سندھ میں سیلاب کی پیشگوئی کے پیشِ نظر کچے کے علاقوں سے لوگوں نے نقل مکانی شروع
- 2 hours ago

شدید سیلابی ریلے کے باعث ریلوے ٹریک پانی میں بہہ گیا،ٹرینوں کی آمد و رفت معطل
- 10 minutes ago

پاک چین دوستی باہمی اعتماد، احترام اور پرخلوص محبت کی بنیاد پر قائم ہے،وزیر اعظم
- 2 hours ago

صدر مملکت نے انسداد دہشت گردی ترمیمی بل 2025 کی منظوری دے دی
- 4 hours ago

عارف والا میں باراتیوں کی کشتی سیلابی ریلے میں پھنس گئی
- an hour ago

مصر: مسافر ٹرین کو خوفناک حادثہ ،3 افراد جاں بحق ،درجنوں زخمی
- an hour ago

پی ڈی ایم اےکی خیبرپختونخوا میں بارشوں اور سیلاب کے باعث نقصانات کی رپورٹ جاری
- an hour ago

ملک بھر میں مزید بارشوں کی پیشگوئی، دریاؤں اور ندی نالوں میں طغیانی کا خدشہ
- 36 minutes ago