پٹرول کی قیمت میں ساڑھے گیارہ روپے تک اضافے کی تجویز

تفصیلات کے مطابق عالمی منڈی میں پٹرولیم مصنوعات کی قیمتوں میں اضافےکے  رجحان کے باعث مقامی منڈی میں بھی پٹرولیم قیمتیں بڑھنے کا امکان ہے۔

ذرائع پٹرولیم ڈویژن کے مطابق  پٹرولیم مصنوعات کی قیمتوں میں ساڑھے گیارہ روپے فی لٹر تک اضافے کی تجاویز موصول ہوئی ہیں۔ہائی سپیڈ ڈیزل کی قیمت میں دوروپے چالیس پیسے، مٹی کے تیل کی قیمت میں ڈیڑھ روپے اور لائٹ ڈیزل کی قیمت ایک روپیہ چالیس پیسے بڑھانے کی تجویز ہے۔

ذرائع کے مطابق  قیمتوں میں اضافے کی تجاویز موجودہ پٹرولیم لیوی کے مطابق تیار کی گئی ہیں، پٹرولیم لیوی میں ردو بدل میں قیمتوں میں ردو بدل ہو سکتا ہے۔

پٹرولیم قیمتوں میں اضافے کا فیصلہ کل وزیر اعظم سے مشاورت کے بعد ہوگا، پٹرولیم مصنوعات کی قیمتوں کا نوٹیفیکشن وزارت خزانہ جاری کرے گی۔نئی قیمتوں پر عملدرآمد کل رات بارہ بجے سے ہوگا۔