طالبان نے پاک افغان بارڈر باب دوستی پر قبضہ کر کے اپنا پرچم لہرا دیا

غیر ملکی خبر رساں ادارے کے مطابق  طالبان نے تاجکستان، ترکمانستان اور ایران سے ملنے والے سرحدی راستوں پرقبضےکےبعدپاکستان اورافغانستان کے درمیان  سپین بولدک کی مرکزی شاہراہ کا کنٹرول  بھی حاصل کرلیا۔

مقامی میڈیاکےمطابق رات گئے چمن سے ملحقہ افغان صوبے قندھار کے سرحدی شہر سپین بولدک کے ویش بازار میں طالبان اور افغان فورسز میں جھڑپیں ہوئیں  جس میں افغان فورسز نے پسپائی اختیار کر لی۔

طالبان پاک افغان سرحدی گیٹ تک پہنچے اور باب دوستی گیٹ پر اپنا پرچم لہرا دیا۔طالبان کی جانب سے ویڈیوز بھی جاری کی گئیں ہیں۔

لیویز حکام کےمطابق پاکستان کی طرف  سے باب دوستی ہرقسم کی آمدورفت کےلیےبند ہے تجارت معطل ہےاضافی سیکیورٹی تعینات کر دی گئی ہے تاہم طالبان سے رابطہ ہے۔

دوسری جانب عبداللہ  عبداللہ کی سربراہی میں 11 رکنی وفد طالبان سے مذاکرات کے لئے جمعہ یا ہفتہ کو دوحہ جائے گا۔افغان سیاسی وفد میں عبداللہ عبداللہ ، حامد کرزئی ، یونس قانونی ، سمیت دیگرشامل  ہیں  جبکہ افغان طالبان کے وفد میں سلام رحیمی ،عبدالرشید دوستم ، گلبدین حکمت یار ، سید سادات منصور ہیں۔

افغان وزارت دفاع  کےمطابق   24 گھنٹوں  میں  صوبہ پکتیا ، غزنی ، خوست ، قندھار ، ہرات ، فرح ، ہلمند ، نمروز ، اور تخارمیں 191 طالبان  ہلاک اور 154  زخمی  کئےگئے۔

 اقوام متحدہ کی مہاجر ایجنسی  نےخبردارکیاکہ فغانستان میں  انسانی  بحران  اور شہری بے گھر ہونے کا خدشہ ہے۔270،000 افغانی جنوری 2021 سےاب تک  نئے سرے سے بے گھر ہوچکے ہیں ، شہری ہلاکتوں کی تعداد 29 فیصد بڑھی ہتے۔