پاکستان نیوزی لینڈ کے ساتھ دو اضافی ٹی ٹوئنٹی میچز کھیلنے کا خواہشمند

 رپوٹ انس سعید

نیوزی لینڈ کرکٹ ٹیم نے رواں سال ستمبر اکتوبر میں پاکستان کا دورہ کرنا ہے  پاکستان اور نیوزی لینڈ کے مابین تین ون ڈے اور تین ٹی ٹوئنٹی میچز کھیلے جائیں گے ، پانچ ٹی ٹونٹی میچز ہونے کی صورت میں پاکستان اور نیوزی لینڈ کی وائیٹ بال کرکٹ ٹیمیں کل آٹھ میچز کھیلیں گی ، پی سی بی کا کہنا ہے کہ اس حوالے سے دونوں بورڈز کے درمیان رابطوں کا سلسلہ جاری  ہے ۔ میچوں کی تعداد پر اتفاق ہونے کے بعد سیریز کے شیڈول کا اعلان کیا جائے گا ۔

 پاکستان نے نیوزی لینڈ کرکٹ بورڈ کوتین کی بجائے پانچ ٹی ٹوئنٹی میچز کی پیشکش کر دی ہے ترجمان پی سی بی کے مطابق ٹی ٹوئنٹی ورلڈ کپ کی تیاریوں کے پیش نظر میچوں میں اضافے کی آفر کی ہے تاکہ قومی ٹیم کو میگا ایونٹ سے قبل بہتر تیاری کا موقع مل سکے ۔

یاد رہے کہ نیوزی لینڈ کرکٹ ٹیم نے اٹھارہ سال بعد پاکستان کا دورہ کرنا ہے کیوی ٹیم نے آخری مرتبہ 2003 پاکستان کا دورہ کیا تھا ۔