روس ،ایک اور مسافر طیارہ گر کر تباہ،تمام مسافر جاں بحق

ماسکو: روس کے مشرقی علاقے میں بچوں سمیت تقریبا 50 افراد کو لے جانے والا مسافر طیارہ ائیر ٹریفک کنٹرولر سے رابطہ منقطع ہونے کے بعد لاپتہ ہو گیا، طیارے کا ملبہ مشرقی علاقے سے 15 کلومیٹر کے فاصلے پر ملا۔ طیارے میں سوار تمام 50 مسافروں کی ہلاکت کی تصدیق کردی گئی۔

روسی حکام کے مطابق حادثہ لینڈنگ کے دوران عملے کی غلطی کے باعث پیش آیا، پہاڑی علاقے میں لینڈنگ کے دوران حدہ نگاہ کم تھی۔

برطانوی خبر رساںایجنسی روئٹر ز کے مطابق اے این-24 ماڈل کا مسافر بردار طیارہ سائبیریا کی ”انگارا“ ایئرلائن کے زیرِ انتظام پرواز پر تھا، جو چین کی سرحد کے قریب واقع علاقے امور کے شہر ”ٹِنڈا“ کی طرف جا رہا تھا کہ اسی دوران راستے میں ایئر ٹریفک کنٹرول سے طیارے کا رابطہ منقطع ہو گیا اور وہ ریڈار سے بھی غائب ہو گیا۔

دوسری جانب علاقائی گورنر واسیلی اورلوف نے ابتدائی معلومات دیتے ہوئے کہا کہ طیارے میں 43 مسافر سوار تھے، جن میں پانچ بچے شامل تھے، جبکہ عملے کے چھ افراد بھی موجود تھے۔