قومی انڈر 19 کرکٹ ٹیم عدم توجہ کا شکار

انس سعید

ذرائع کے مطابق  آئی سی سی انڈر 19 ورلڈ کپ سے قبل پاکستان انڈر 19 ٹیم کی کوئی سیریز شیڈول نہیں ہے۔

پاکستان انڈر 19 نے نہ کسی ملک کا دورہ کرنا ہے نہ کسی ٹیم نے پاکستان آنا ہے۔ کورونا وائرس کے باعث انڈر 19 ایشیا  کپ کا انعقاد بھی ممکن نہیں جس سے ٹیم کو بین الاقوامی ایکسپوژر سے محروم رہنے کا خدشہ ہے۔ آئی سی سی انڈر 19 ورلڈ کپ  اگلے برس کے اوائل میں ویسٹ انڈیز میں شیڈول ہے انڈر 19 ٹیم کا  دورہ اپریل میں بنگلہ دیش میں کورونا وائرس کے بڑھتے کیسز کی وجہ سے ملتوی ہوا تھا۔

ذرائع کا کہنا ہے کہ انڈر 19 ٹیم کے دورے اور سیریز کا اس وقت کوئی پلان نہیں ہے انڈر 19 ٹیم ڈومیسٹک سرگرمیوں  میں  حصہ لے کر ورلڈ کپ  کی تیاریاں کرے گی۔

کوویڈ 19 کی وجہ سے  کسی ملک کا   ٹور آسان نہیں ہے دیگر ممالک کو ٹورز کا انتظام کرنے میں دشواری کا سامنا ہے سال کے آخر میں پاکستان شاہینز کی سیریز  پلان کی جا رہی ہے۔