مغربی یورپ میں طوفانی بارشوں نے تباہی مچادی، 44افراد ہلاک

غیر ملکی خبر رساں ادارے کے مطابق  مغربی یورپ میں بارشوں کے پچھلے ریکارڈ ٹوٹ گئے ہیں ۔جرمنی طوفانی بارشیں شہریوں کیلئے وبالِ جان بن گئیں۔دریاؤں میں طغیانی آگئی۔سڑکیں ندی نالوں کا منظر پیش کرنے لگیں۔ سیلابی ریلے کئی گاڑیاں بہا کر لے گئے ہیں اور  کئی مکانات  بھی کھنڈر بن گئے ہیں ۔

سڑکوں پر ملبے کا ڈھیر لگ گیا ہے، درجنوں درخت بھی ٹوٹ کر گرگئے۔شہریوں کو ہیلی کاپٹر کی مدد سے محفوظ مقامات پر منتقل کیاجارہاہے۔فوجی اہلکار بھی امدادی کاموں میں حصہ لےرہے ہیں۔

بیلجیم میں سینکڑوں  مکانات خالی کروالیے گئے ہیں ۔سڑکیں ندلی نالوں میں تبدیل ہوگئیں اور گاڑیاں ڈوب گئیں ہیں۔ہالینڈ میں بھی موسلا دھار بارشوں سے دریا ؤں ابل گئے،سیلابی ریلوں نے کئی  مکانات تباہ کردیے ہیں ۔زیادہ خطرے والے رہائشی علاقوں کو خالی کروالیاگیا۔