پاکستان کا نیا ریموٹ سینسنگ سیٹلائٹ31 جولائی کو لانچ کیا جائے گا،سپارکو

اسلام آباد: پاکستان اپنا نیا ریموٹ سینسنگ سیٹلائٹ 31 جولائی کو لانچ کرے گا۔

ترجمان سپارکوکے مطابق پاکستان کا نیا ریموٹ سینسنگ سیٹلائٹ 31 جولائی کو چین سے لانچ ہوگاجوفصلوں کی نگرانی،زراعت اور شہری منصوبہ بندی میں مدد دے گا،اس کے علاوہ یہ نیا سیٹلائٹ قدرتی آفات کی پیشگی وارننگ کی نگرانی بھی کریگا۔

ترجمان سپارکوکے مطابق گلیشئرز کے پگھلاؤ ،جنگلات کی کٹائی اورسی پیک سمیت قومی ترقیاتی منصوبوں کی نگرانی میں بھی معاون ہوگا۔

ترجمان نے مزید بتایا کہ نیا سیٹلائٹ ای او 1 اور پی آر ایس ایس کے ساتھ پاکستان کے ریموٹ سینسنگ بیڑے کو مضبوط بنائے گا ،سیٹلائٹ لانچنگ سپارکو کے ویژن 2047 اور قومی خلائی پالیسی کا عملی اظہار ہے۔

ترجمان سپارکوکے مطابق ماحولیاتی نگرانی اور قدرتی وسائل کے انتظام میں نیا سیٹلائٹ اہم سنگ میل ثابت ہوگا۔