اراضی ریکارڈ سنٹرز کی 22 ارب روپے سے زائد آمدن

تفصیلات کے مطابق پنجاب لینڈ ریکارڈ اتھارٹی کی جانب سے گزشتہ برس میں اراضی ریکارڈ سنٹر کی تعداد میں اضافہ کیا گیا ہے۔ 246 مخصوص اراضی سنٹر کے علاہ، سٹیلائٹ سنٹر اور دیگر اداروں کے ساتھ اشتراک کی بدولت 5000 سے زاہد کیاسک کے ذریعے عوام کو اراضی ریکارڈ  فراہم کیا جارہا ہے ۔

اراضی ریکارڈ سنٹر کے بڑھتے ہوئے نیٹ ورک کی بدولت گزشتہ مالی سال 2020-2021 میں تقریباً 4ملین سے زاہد افراد کو اراضی ریکارڈ سے متعلق معلومات فراہم کی گئیں ہیں ۔

 جس  میں تقریباً 12 لا کھ سے زاہد سائلین کو انتقالات کی معلومات فراہم کی گئیں ، جوکہ گزشتہ مالی سال  کے مقابلے میں 30% سے زاہد ہیں ۔ انتقالات کی مد میں سرکاری خزانے کو تقریباً 12 ارب روپے کی آمدن ہوئی ہے ، فردات کی مد میں تقریباً 50 کروڑ سے زاہد آمد ن ہوئی ، جبکہ ضلع کونسل فیس کم وبیش 4 ارب روپے جبکہ گین ٹیکس اور ایڈوانس ٹیکس کی مد میں وفاقی حکومت کو تقریبا 11ارب روپے کی آمدن ریکارڈ کی گئی ہے۔

اس طرح اراضی ریکارڈ سنٹر سے ہونے والی مجموعی آمدن تقریباً 22 ارب روپے سے زائد ریکارڈ کی گئی ہے۔ جس میں گزشتہ مالی سال کی نسبت 37% اضافہ ریکارڈ کیا گیا ہے ۔