افغان طالبان اور بادغیس کی صوبائی حکومت نے جنگ بندی کا اعلان کردیا

غیرملکی خبرایجنسی کے مطابق بادغیس کے دارالحکومت قلعہ نو میں قبائلی عمائدین نے جنگ بندی کرائی،  گورنر بادغیس حیثم الدین شمس کا کہنا ہے کہ  جنگ بندی کے بعد افغان طالبان نے قلعہ نو کا محاصرہ ختم کردیا۔

دوسری جانب   افغان طالبان نے بادغیس میں جنگ بندی معاہدے کی تردید کردی ہے۔ ترجمان طالبان کا کہنا ہے کہ صوبائی دارالحکومت قلعہ نو سے نکلنے کا فیصلہ شہری ہلاکتوں سے بچنے کے لیے کیا ہے۔افغان طالبان بادغیس کے دارالحکومت کے سوا صوبے کے تمام اضلاع پر قابض ہیں۔

 ضلع غورماچ تین سال پہلے طالبان نے قبضے میں لیا تھا، ضلع بالا مرغاب پانچ ماہ پہلے طالبان کے قبضے میں گیا ۔ جوند، مقر،  اور آب کمری اضلاع  پر طالبان نے پچھلے ماہ قبضہ کیا تھا۔